Día do Libro. Compartindo lecturas.

O Club de Lectura Mareira voltou ao veciño CEIP As Bizocas para compartir lecturas polo Día do Libro. 

Falamos, compartimos preferencias e lemos xuntos un anaco desde infantil ata 6º. Con cada grupo, o alumnado do club tivo unha experiencia lectora diferente, percatándose das diferentes capacidades de atención, a importancia das imaxes e a tonalidade, etc.      

E coma sempre, resultou unha actividade moi enriquecedora e inesquecible para todo o alumnado, maiores e pequenos. 

Moitas grazas aos membros do club e ao profesorado do CEIP sempre dispostos a recibirnos!