Feliz día do libro

Rede de Bibliotecas do Grove no confinamento

Non vos perdades as actividades, lecturas, recomendacións da vosa biblioteca municipal nas redes sociais:

@rededebibliotecasdogrove

Relatos de Samaín

O Equipo de Dinamización da Lingua Galega, Biblioteca e Club de Lectura vimos de organizar sesións de lecturas  de medo ou misterio durante os recreos da semana do Samaín. 

O Club de Lectura reuniuse unha tarde para poñer a biblioteca a punto con candeas, cabazas, arañeiras, morcegos... e nos recreos alumnado e profesorado acompañaron os usuarios da biblioteca con historias coma:

 "O lobo da xente" de Vicente Risco, "Sobre a morte do Bieito" de Rafael Dieste , "O pozo do inferno" de Heraclio Pérez Placer  ou "A casa do medo" de Antonio García Teijeiro e Antonio Reigosa, entre outras.

Día do Libro. Compartindo lecturas.

O Club de Lectura Mareira voltou ao veciño CEIP As Bizocas para compartir lecturas polo Día do Libro. 

Falamos, compartimos preferencias e lemos xuntos un anaco desde infantil ata 6º. Con cada grupo, o alumnado do club tivo unha experiencia lectora diferente, percatándose das diferentes capacidades de atención, a importancia das imaxes e a tonalidade, etc.      

E coma sempre, resultou unha actividade moi enriquecedora e inesquecible para todo o alumnado, maiores e pequenos. 

Moitas grazas aos membros do club e ao profesorado do CEIP sempre dispostos a recibirnos!

Día do Libro II

O xoves seguinte ao Día do Libro quixemos compartir lecturas tamén cos nosos pequenos veciños do CEIP As Bizocas, e con este xa van catro anos!

Desde o alumnado de infantil ata os maiores estiveron por todo o cole compartindo lecturas en pequenos grupos co alumnado do noso club de lectura e os voluntarios de 4º. 

Rematamos a xornada xogando tod@s no patio e facendo unhas fotos para o recordo no noso photocall de lectores.

Moitas grazas á biblioteca e profes do CEIP pola súa colaboración e perfecta organización!  

O próximo ano máis e mellor!

Clicade nesta imaxe para ver un pequeno vídeo da xornada.

Día do Libro

Para celebrar o Día Internacional do Libro a biblioteca Bizocas e o club de lectura puxemos a gran parte do alumnado e profesorado a compartir lecturas. 

Por unha banda, organizamos un "amigo invisible" entre o profesorado como vén sendo tradición xa no noso centro. No recreo do 23 de abril cada un recibiu o seu libro-agasallo. 

Xusto despois o Club de Lectura xunto cun grupo de voluntariado de 4º ESO dirixímonos ao CEIP Valle-Inclán para compartir máis dunha hora de lecturas e experiencias co alumnado de 6º de primaria. 

Presentámonos na súa biblioteca e sorteamos as parellas de lectores e lectoras, que podían escoller o seu recuncho favorito do patio para conversar e compartir os seus libros preferidos. Logo, xa se foron facendo pequenos grupos e rematamos a xornada tirando unhas fotos nun divertido photocall de disfraces.  

Pasámolo tan ben que sen dúbida esperamos volver repetir para o 2019! E como proba disto, podedes ver as fotos nun vídeo ao clicar na seguinte imaxe...

Visita de Ledicia Costas

O luns 12 de marzo celebramos un encontro especial na biblioteca Bizocas: a escritora viguesa Ledicia Costas veu a charlar co alumnado de 2º e 3º ESO que veñen de ler as súas obras, Unha Estrela no Vento e O Corazón de Xúpiter, respectivamente. 

Non gozamos de todo o tempo que nos gustaría pero foi suficiente para comentar os seus libros, a súa labor como escritora, os seus premios e recoñecementos, anécdotas e temas de actualidade...

Algúns membros do club de lectura encargáronse de darlle presentación e de despedila como se merece. Ademais tiveron a sorte de compartir con ela os seus gustos e recibir recomendacións de lectura que de seguro imos seguir. 

Moitísimas grazas, Ledicia!

Compartindo Lecturas

Aquí vos deixamos algunhas fotos das actividades para celebrar o día do libro. 

Ademais de compartir lecturas favoritas tamén comentamos os nosos hábitos a través dun test lector e co marcapáxinas dos dereitos do lector. 

E para conmemorar o IV Centenario da morte de Cervantes puidemos ler un dos capítulos máis famosos do Quixote, a loita contra os muíños de vento.

20 abril. Titorías Entre Iguais. 1º+3º ESO.

21 abril. CEIP As Bizocas. Club de Lectura + 4º ESO.

22 abril. CEIP Valle-Inclán. Club de lectura + 2ºESO.

Esperamos que vos gustase e seguro que 

o vindeiro ano repetimos!

Semana do Libro en Bizocas

A biblioteca e o club de lectura do centro, en colaboración co departamento de Orientación e cos CEIP Bizocas e Valle-Inclán, organizamos diversas actividades para a vindeira semana co motivo da celebración do Día Mundial do Libro, o 23 de abril. 

Esperamos que vos gusten as lecturas compartidas!!

(Podedes ler o folleto en pantalla completa premendo doble clic sobre a imaxe.)